Uşaq Cərrahı Uzmanı
Uzm. Dr. Nicat Vəliyev
Uşaq cərrahı Uzm. Dr. Nicat Vəliyev 10.12.1986-cı ildə Zəngilan rayonunun Qaradərə kəndində anadan olmuşdur. Birinci sinfə Zəngilan rayon Qaradərə kənd məktəbində başlasa da mənfur düşmənimizin rayonu işğal etməsindən sonra orta məktəbi qaçqın həyatı yaşayan hər uşaq kimi bir neçə məktəb dəyişərək başa vurmuşdur. Litsey illərini isə Kimya-Biologiya təmayüllü Respublika Liseyində keçirmişdir. Litseyi bitirəndən sonra eyni ildə (2004) Azərbaycan Tibb Universitetinin Müalicə işi fakültəsinə qəbul olmuşdur. Universiteti bitirəndən sonra (2010) TUS imtahanını müvəffəqiyyətlə keçərək İstanbulda yerləşən “Marmara Üniversiteti Tıp Fakültesi Çocuk Cerrahisi Ana Bilim Dalı” da (2012) uşaq cərrahiyyəsi asistan həkimi olaraq həm təhsil almış – təhsil alarkən də çalışmışdır. “Uşaq Cərrahiyyəsi Mütəxəssisi” olma yolunda (Çocuk Cerrahisi Uzmanı) 5 il 8 aylıq bir period keçərək, minlərlə əməliyyat və onminlərlə xəstə müayinəsi sığdırmışdır.
